Cheesecake me kos e manaferra – Pa pjekje

Nerti
  • 18/02/2020
Receta për cheesecake me kos pa pjekje dhe me manaferra është mjaft e veçante dhe me një shije delikate. Kjo ëmbëlsirë nuk ka nevoje për pjekje, pasi nuk përmban miell edhe as vezë. Mjafton të ruhet në frigorifer pas përgatitjes. Le të shikojmë si gatuhet ëmbëlsira cheesecake.

Cheesecake me kos e manaferra – Pa pjekje

Prep Time40 minutes
Cook Time10 minutes
Total Time50 minutes
Course: Dessert
Cuisine: American
Keyword: embelsire
Sasia: 10 persona
Kalori: 240kcal

Përbërësit

  • 250 gr biskota
  • 150 gr gjalpë i shkrirë
  • 500 gr kos i bardhë
  • 200 ml pana ajkë qumështi
  • 30 gr sheqer vanilje
  • 12 gr xhelatinë
  • 50 gr qumësht i freskët
  • 200 gr manaferra për mbushjen
  • 200 gr manaferra për dekorin
  • 50 gr sheqer kaf për sipër

Përgatitja

  • Për përgatitjen e cheesecake në fillim bluajmë biskotat në një mikser kuzhine ose i shtypim ato imët. Biskotat e bluara i hedhim në një enë së bashku me gjalpin e shkrirë.
  • I trazojmë dhe më pas i shtrojmë në tavë ku kemi vendosur një letër kuzhine. Përmasat janë për një tave me diameter rreth 24cm. Tavën e vendosim në frigorifer për 30 minuta.
  • Ndërkohë rrahim panën në një enë të ftohtë. Më pas hedhim sheqerin dhe në fund e përziejmë edhe me kosin.
  • Xhelatinën të cilën e kemi lënë rreth 5 minuta në ujë të ftohtë e shkrijmë me qumështin e nxehur. Xhelatinën e shkrirë e hedhim te përzierja e kosit me panën dhe e trazojmë mirë duke shtuar edhe manaferrat.
  • Masën e hedhim mbi biskotat. Tavën e vendosim përsëri në frigorifer(jo në ngrirje) për 2 orë.
  • Hapin e fundit do të përgatitim frutat sipër. Frutat së bashku me sheqerin kaf i hedhim në një enë dhe i vendosim në zjarr të ngadalshëm për 10 minuta duke i trazuar.
  • Pasi manaferrat të ftohen, ja hedhim ëmbëlsirës cheesecake sipër. E vendosim dhe për disa minuta të tjera në frigorifer. Cheesecake me kos dhe manaferra është gati. E presim ne feta dhe e shërbejmë.

Ju këshillojmë edhe recetat e tjera për cheesecake:

Ju bëftë mirë!

In this article:
,,,,,
1 Shares
WhatsApp 0
Facebook 0
Facebook Messenger 0
X (Twitter) 0
Pinterest 1
Mail 0
Post written by:
E pasionuar pas kuzhines shqiptare dhe asaj te huaj, sjell për ju përmbledhje me receta gatimi.
Follow
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Pandispanjë e sherbetosur

Pandispanja është baza e shumë ëmbëlsirave, si për shembull receta për trilece, x dhe x. Një mënyre tepër e thjeshte për të shërbyer pandispsanjën është dhe sherbetosja e saj. Kjo është një recetë tradicionale e vjetër që dikur përgatitej nëpër dasma në zonën e Myzeqesë.
0 Shares
0
0
0

Tortë me kakao

Torta me kakao është një ëmbëlsirë e thjeshtë për tu përgatitur dhe shumë e mirë që bën të lumtur të gjithë e sidomos fëmijët. Ne, këtë tortë e kemi zbukuruar me figurën e maces Kitty, shumë e dashur për fëmijët, por secili mund ta zbukurojë sipas dëshirës, ose thjesht mund ta lemë edhe pa zbukurim. Në përgatitjen e tortës mund të bëjmë edhe fëmijët pjesëmarrës që të na ndihmojnë.
0 Shares
0
0
0

Biskota me copëza çokollate

Biskotat janë gjithmonë një kënaqësi kur i shijon në mëngjes me një gotë qumësht. E të shijojnë më shumë kur në to gjenden edhe copëza çokollate që të shkrihen në gojë. Kjo është një recetë e thjeshtë që mund ta përgatisni edhe me fëmijët tuaj.
0 Shares
0
0
0

Biskota me miell misri

Biskota me miell misri shumë të shijshme dhe të shëndetshme. Në këtë recetë kemi përdorur edhe miell orizi. Mielli i misrit është i pasur me përbërës të dobishëm për organizmin e njeriut, si dhe mielli i orizit.
2 Shares
0
0
2

Biskota me bajame – Cantuccini

Biskotat me bajame (ose siç i quajnë në Itali 'cantuccini') janë tipike të zonës së Prato në Toscana. Këto biskota janë shumë të shijshme dhe të veçanta, për vetë faktin se duhet të piqen dy herë në furrë. Zakonisht, siç e kërkon tradita këto biskota hahen duke i ngjyer në verë, Vin Santo!
0 Shares
0
0
0