Receta pite me petë është krijuar thjeshtë e rastësishme nga disa pjesë brumi ngelur nga buka përgatitur në shtëpi. Rezultati dhe shija ishin fantastike, kështu po e propozojmë si recetë gatimi. Pjekur në tigan me pak vaj këto pite me petë janë në brendësi të buta dhe sipër pak kërce.
Pite me Petë – Recetë e veçante
Sasia: 4 persona
Kalori: 280kcal
Video
Përbërësit
- 500 gr miell
- 250 ml ujë
- 1 lugë kafeje maja buke
- 1 lugë kafeje sheqer
- 1 filxhan kafeje vaj ulliri
- 50 gr gjalpë
- pak kripë
Përgatitja
- Për përgatitjen e pite me petë në fillim tretim majanë me pak ujë të vakët dhe sheqer. Pas 10 minutash hedhim miellin në një enë qelqi e hapim në mes, hedhim majanë e tretur, ujin e vakët, vaj ulliri dhe anash kripën.
- E përziejmë të bashkohen masat, më pas e hedhim brumin në tavolinë dhe e punojmë me dorë për gati 7 minuta.
- Brumin e mbështjellim me qeskë kuzhine dhe e lemë të pushojë për gati 30 minuta. Pasi brumi për pite me petë ka pushuar, e ndajmë në 10 pjesë duke i bërë toptha.
- Topthat i hapim në petë me okllahi në tavolinën e punës. Çdo petë me anë të një furçe i lyejmë me gjalpë të shkrirë dhe i vendosim njëra mbi tjetrën. I lëmë të pushojnë për 30 minuta mbuluar me një rrobë kuzhine.
- Më pas petët i bëjmë role. E presim brumin në cilindra me 2-3 centimetra, procedure e njëjtë me përgatitjen e cinnamon rolls. Rrathët që premë i kthejmë me bazë poshtë dhe i shtypim me dorë nga lartë. Kështu na u formuan pite në formë rrethore. Pitet i pjekim në tigan të lyer me pak vaj.
- Pite me petë janë gati, sipas dëshirës i shoqërojmë më djathë të bardhë ose të ëmbla me marmelata të ndryshme si për shembull, marmelate luleshtrydhe ose reçel portokalli
Lexoni gjithashtu recetën për pite mbushur apo pite kulaç pjekur në tigan.
